🔴تنويه مهم جداً لطلبة الامتحانات الخارجية ⚠️
هالسنة لاحظنا أكو هواي طلبة يقدّمون وهم غير مستحقين وما مكمّلين سنوات الانتظار، ويعرفون مسبقاً إن معاملتهم راح تنرفض، ومع ذلك يقدّمون.
🔴 هالتصرّف يضرّ الطلبة المستحقين فعلياً، ويأخذ وقتهم ويأخّر تدقيق معاملاتهم بدون سبب.
خلّونا نوضح الضوابط والتعليمات النافذة من وزارة التربية بشكل وواضح:
✅ أولاً / حسب آخر شهادة نجاح
• الناجح من السادس الابتدائي ويريد يقدّم ثالث متوسط
• الناجح من الثالث المتوسط خارجي ويريد يقدّم سادس إعدادي
⬅️ لازم ينتظر 3 سنوات كاملة
⬅️ بالسنة الرابعة فقط يحقله يقدّم
⬅️ هالسنة المشمولين هم دفعة 2021 – 2022
✅ ثانياً / حالات الرسوب والترك
• الراسب 3 سنوات بـ: – الأول متوسط
– الرابع الإعدادي
⚠️ سنوات الرسوب ما تنحسب
✔️ لازم يكون عنده ترك 3 سنوات بدون دوام
✔️ بالسنة الرابعة يحقله يقدّم (من تاريخ تركه للمدرسة)
✅ ثالثاً / حسب الصفوف الدراسية
• ثاني متوسط / خامس إعدادي
⬅️ ترك سنتين، والسنة الثالثة يقدّم خارجي
• الناجح أول متوسط / رابع إعدادي
⬅️ ترك سنتين، والسنة الثالثة يقدّم خارجي
• الناجح ثاني متوسط / خامس إعدادي
⬅️ ترك سنة وحدة، وبعدها يقدّم خارجي
✅ رابعاً / الثالث المتوسط والسادس الإعدادي
• الراسب سنتين صباحي
⬅️ يترحل سنة وحدة مسائي
⬅️ إذا رسب بعدها ➜ يقدّم خارجي مباشر بدون انتظار
• 🔴الراسب سنتين صباحي سادس إعدادي
وما مشمول بعدم الرسوب
أو ما التحق بالمسائي
⬅️ يحقله يقدّم خارجي
✅ الاستثناء الوحيد⬇️⬇️
• اللي عمره 28 سنة ✅✅
⬅️ يقدّم مباشر بدون انتظار
⬅️ يعني مواليد 1997 مشمولين هالسنة
❗ ملاحظة مهمّة
اللي يعرف نفسه مو مستوفي الشروط ويقدّم إلكتروني بس على أمل (يمكن ينقبل)،
ترى بهذا التصرّف: • يأذي غيره
• يأخذ وقت المستحقين
• ويأخّر التدقيق بلا فائدة
📌 رجاءً التزموا بالتعليمات
📌 التقديم مسؤولية مو تجربة حظ
#
القائد التربوي
#خادم_طلبة_وشباب_العراق
#مستمر_بدعم_طلبتنا_الابطال_واهلنا_الاعزاء